İspaniya qadın hüquqları sahəsində liderlik edir
Madrid, 8 mart, AZƏRTAC
Ümumdünya miqyasında hər il 8 Mart Beynəlxalq Qadınlar Günü qadınların mədəni, siyasi və sosial-iqtisadi nailiyyətlərinin qeyd olunmasının rəmzidir. Qadınlar və kişilər arasında bərabərlik azadlıq, demokratiya və qanunun aliliyi ilə yanaşı, Avropa İttifaqı müqavilələrində və Aİ-nin Əsas Hüquqlar Xartiyasında təsbit edilib.
AZƏRTAC xəbər verir ki, İspaniya qadınlar və kişilər arasında real bərabərliyin təşviqi üçün etalondur. İspaniya hökuməti qadınların və qızların hüquqlarının qorunması, müdafiəsi və təşviqinə qətiyyətlə sadiqdir.
Bu ölkədə gender bərabərliyinə misal olaraq 2021-ci ilin aprelində Baş nazir Pedro Sançes tərəfindən qurulan feminist hökumətdir. Ölkə tarixində ilk dəfə olaraq İspaniya hökumətinin vitse-prezidentlərinin dörd vəzifəsinin hamısını qadınlar tutub. Beləliklə, İspaniya kabinetdə qadınların nisbəti ən çox olan dünyanın altıncı ölkəsi olub.
Gender bərabərliyi həm də ölkələrin tərəqqisini sürətləndirə bilən danılmaz iqtisadi və sosial mühərrikdir.
2021-ci ildə Aİ-yə üzv ölkələr Avropa Gender Bərabərliyi İnstitutunun illik indeksində 100 baldan 68 bal toplayıb ki, bu da müsbət göstəricidir. Bununla belə, bu ssenaridə gender bərabərliyinə nail olmaq üçün demək olar ki, üç nəsil lazımdır.
Avropa Gender Bərabərliyi İnstitutu hesab edir ki, gender bərabərliyinin yaxşılaşdırılması Avropa İttifaqının ÜDM-ni 2050-ci ildə 6,1 faizdən 9,6 faizə yüksəldəcək. Bu məbləğ 3,15 trilyon avroya bərabərdir. Buna görə də, cəmiyyətlər və iqtisadiyyatlar qızların və qadınların bütün müxtəlifliklərindəki istedadlarından istifadə etsələr, daha ədalətli və daha səmərəli şəkildə çiçəklənəcəklər.
Gender bərabərliyi üçün milli təşəbbüslər əsasdır. İspaniya uşaq doğulduqdan sonra 16 həftəlik ödənişli analıq və atalıq məzuniyyətini, iş yerində tam bərabərliyi və ya bərabər maaşı təmin etmək üçün tədbirləri təsdiqləyib. İspaniya hökuməti gender qərəzi olmadan iş-həyat balansını təmin etmək üçün şəxsi vaxtdan istifadə haqqında qanunu təşviq etmək niyyətindədir.
Gender zorakılığına gəldikdə, İspaniya bu mübarizəni Avropada və beynəlxalq səviyyədə apara bilər. İspaniya bütün dünyada məşhurlaşan Gender Əsaslı Zorakılıq haqqında Qanunun qəbuluna öncülük edib.
Avropa İttifaqı bütün üzv dövlətləri dünya səhnəsində gender əsaslı zorakılıqla mübarizə aparmağa imkan verən əlamətdar saziş olan İstanbul Konvensiyasını təcili olaraq ratifikasiya etməyə çağırmaq niyyətindədir.
İspaniya hökuməti Avropa İttifaqının növbəti beş il üçün 2020-ci il üçün Avropa Birliyinin Gender Fəaliyyət Planında vurğulandığı kimi, Avropa İttifaqının qızların və qadınların hüquqlarını və səlahiyyətlərini qlobal öhdəliklərin mərkəzinə qoymasını təmin etməyə çalışacaq.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
