İsrailin hava zərbələri nəticəsində Livanda beş nəfər həlak olub
Bakı, 29 aprel, AZƏRTAC
İsrailin Livanın Məcdəl Zun şəhərinə endirdiyi hava zərbəsi nəticəsində azı beş nəfər ölüb.
AZƏRTAC xəbər verir ki, bu barədə Livan ordusunun mətbuat xidməti məlumat yayıb.
Bildirilib ki, hava hücumu xilasetmə əməliyyatlarının aparıldığı binalardan birini hədəfə alıb. “Xilasediciləri müşayiət edən ordu patrulundan iki əsgər yaralanıb”, – deyə açıqlamada qeyd olunur.
Livanın Baş naziri Nəvaf Salam qurbanların ailələrinə başsağlığı verib və mülki müdafiə əməkdaşlarına qarşı hücumu pisləyib.
O əlavə edib ki, hökumət beynəlxalq ictimaiyyətdən “İsrailin hərəkətlərini pisləməyi və atəşkəs sazişini pozmağı dayandırmağa məcbur etməyi” tələb edəcək.
Bölmənin digər xəbərləri
