İSTANBULDA DÜNYA İNFORMASİYA AGENTLİKLƏRİ BAŞÇILARININ ZİRVƏ GÖRÜŞÜ ÖZ İŞİNƏ BAŞLAMIŞDIR

15.04.2003 [17:10]
Çap et
A⁺ A^-

Aprelin 15-də İstanbulun füsünkar Çırağan sarayının konfrans salonunda dünya informasiya agentlikləri rəhbərlərinin zirvə görüşü öz işinə başlamışdır.

AZƏRTAC-ın xüsusi müxbiri xəbər verir ki, tədbirdə Türkiyə Respublikasının dövlət naziri Bəşir Atalay, ölkənin müsəlman, xristian və yəhudi icmalarının dini rəhbərləri, 58 xarici ölkə informasiya agentliklərindən 138 nümayəndə, o cümlədən AZƏRTAC-ın nümayəndə heyəti iştirak etmişlər.

Zirvə görüşünün “Dünyada sabit sülhün təmin olunmasında informasiya agentliklərinin rolu və vəzifələri” mövzusuna həsr olunmuş ilk iclasında Türkiyənin dövlət naziri Bəşir Atalay, Anadolu agentliyinin baş direktoru Hilmi Bengi, Balkan Ölkələri İnformasiya Agentlikləri Birliyinin (ABNA) prezidenti Dusan Dakoviç, Avropa Ölkələri İnformasiya Agentlikləri Birliyinin (EANA) prezidenti Uffe Rus Sorensen, Asiya və Sakit okean Ölkələri İnformasiya Agentlikləri Birliyinin (OANA) prezidenti və eyni zamanda İTAR-TASS-ın baş direktoru Vitali İqnatenko, AZƏRTAC-ın baş direktoru Aslan Aslanov çıxış etmişlər.

Zirvə görüşü öz işini davam etdirir.

Tural Rzayev

AZƏRTAC-ın xüsusi müxbiri

İstanbul