İstanbulda İŞİD üzvlərinin saxlanılması istiqamətində genişmiqyaslı əməliyyat keçirilib
İstanbul, 23 iyul, AZƏRTAC
İstanbulda İŞİD terror təşkilatının üzvlərinin saxlanılması istiqamətində genişmiqyaslı əməliyyat keçirilib.
AZƏRTAC xəbər verir ki, İstanbul Terrorla Mübarizə İdarəsi tərəfindən aparılan əməliyyat şəhərin on müxtəlif rayonunda paralel qaydada aparılıb. Əməliyyat nəticəsində terror təşkilatının münaqişə bölgəsindəki üzvləri ilə əməkdaşlıqda və onlara maddi dəstək göstərməkdə şübhəli bilinən səkkiz nəfər xarici ölkə vətəndaşı saxlanılıb.
Şübhəlilərin ünvanlarında aparılan axtarış zamanı 19 min türk lirəsi, 6741 dollar, Türkiyə ərazisinə girişinə qadağa qoyulan şəxslərə məxsus müxtəlif ölkələrin ümumvətəndaş pasportları və rəqəmsal materiallar ələ keçirilib.
Əməliyyatlar davam etdirilir.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
