İT İLİ SÜLH, ƏDALƏT, XOŞBƏXTLİK VƏ TƏRƏQQİ GƏTİRƏCƏKDİR

27.12.2005 [15:38]
Çap et
A⁺ A^-

AZƏRTAC xarici KİV-lərə istinadla xəbər verir ki, cənubi koreyalıların fikrincə, qəməri təqvimə görə it ili sayılan 2006-cı il sülh, ədalət, xoşbəxtlik və tərəqqi gətirəcəkdir.

İt bürcü 12 dövrədən ibarət Asiya zodiakında axırıncıdan əvvəlki yeri tutur. Koreyalılar hesab edirlər ki, it loyallıq və xoş niyyətlər rəmzidir. İt ilində doğulanlar vəfalı və məsuliyyətli olur, sirr saxlamağı bacarırlar, eyni zamanda, ədalətsizliyə dözmürlər. Koreyalılar inanırlar ki, itlər fövqəltəbii qüvvəyə və şeytanı qovmaq, habelə gələcəkdən xəbər vermək qabiliyyətinə malikdirlər.

Koreyalılar yerli it cinslərindən “sapsalqe” cinsinə üstünlük verirlər. Koreya dilində “sap” can qurtarmaq, “sal” isə şeytan deməkdir. Bu xalqın inancına görə, it təsviri bütün bəlalardan hifz edir.

İT İLİ SÜLH, ƏDALƏT, XOŞBƏXTLİK VƏ TƏRƏQQİ GƏTİRƏCƏKDİR

MÜƏLLİFLƏ ƏLAQƏ

Bölmənin digər xəbərləri