İtaliyada əhalinin məşğulluq səviyyəsi artıb
Roma, 14 sentyabr, AZƏRTAC
İtaliyada bu ilin birinci rübü ilə müqayisədə ikinci rüb məşğulluq səviyyəsində artım müşahidə olunub. Bu da ötən ilin ikinci rübü ilə müqayisədə 78 min nəfər artım deməkdir.
AZƏRTAC xəbər verir ki, bu barədə ölkənin Milli Statistika İnstitutu (ISTAT) məlumat yayıb.
Bildirilir ki, müvafiq dövrdə ölkədə müvəqqəti çalışanların sayının 16 min nəfər, fərdi əmək fəaliyyəti ilə məşğul olanların sayı isə 17 min nəfər artıb. Daimi iş yerlərinə sahib olan, muzdla çalışan insanların sayı il ərzində 0,7 faiz artaraq 112 min nəfər təşkil edib.
İnstitut muzdla çalışanların sayının əvvəlki kvartal ilə müqayisədə 97 min nəfər artdığı barədə məlumat verib.
Asiman Əsədov
AZƏRTAC-ın xüsusi müxbiri
Roma
Bölmənin digər xəbərləri
