İtaliyada qəribə vergilər
Bakı, 10 iyun, AZƏRTAC
İtaliyada bir çox vergi növü mövcuddur. Elə vergi növləri də var ki, onların məntiqi izahı yoxdur.
AZƏRTAC xarici saytlara istinadla xəbər verir ki, həmin vergi növlərindən bəziləri aşağıdakılardır:
- Kölgəyə görə vergi: Əgər mağaza sahibi talvar tikirsə və onun kölgəsi ictimai əraziyə “daxil olursa”, ictimai torpağın “qeyri-leqal işğalına görə” məcburi ödəniş etməlidir.
- Bataqlıq vergisi: Sözügedən vergi növü 1904-cü ildə kral fərmanı ilə qüvvəyə minib və vətəndaşlar, bataqlıq ərazini qurudub, oranı kənd təsərrüfatı məhsullarının becərilməsindən ötrü istifadə etsələr, buna görə ödəniş etməlidirlər. İtaliyanın bir çox regionlarında hələ də bu vergini ödəməkdə davam edirlər.
-Göbələk yığımına görə vergi: İtaliyada hətta meşələrdən göbələk yığımına görə də vergi tətbiq olunub.
- Magistrala çıxan yollara görə vergi: Evlərdən magistral yollara aparan ensiz yollar (cığırlara) görə vergi ödənişi ideyası 1997-ci ildə yaranıb və bir çox kommunalarda bu vergi növü öz çiçəklənmə dövrünü yaşamaqdadır.
Bölmənin digər xəbərləri
