DÜNYA
İtaliyalı mütəxəssis: Zəlzələlər nəticəsində Anadolu yarımadası 3 metr sürüşüb
Roma, 7 fevral, AZƏRTAC
Türkiyənin Kahramanmaraş vilayətində baş vermiş zəlzələlər nəticəsində Anadolu yarımadası 3 metr qərbə doğru sürüşüb.
AZƏRTAC xəbər verir ki, bunu İtaliyanın Geofizika və Vulkanologiya İnstitutunun (INGV) rəhbəri Karlo Doqlioni deyib.
Zəlzələlərin Şərqi Anadolu, Ərəbistan və Afrika tektonik plitələrinin kəsişməsində baş verdiyini bildirən K.Doqlioni qeyd edib ki, Türkiyədən keçən iki böyük tektonik plitədən birində fəallıq müşahidə olunub. Həmin tektonik plitə boyunca yer səthi hərəkət edib və 3 metrlik sürüşmə olub. Bu, ilkin məlumatdır. Peyk məlumatlarından sonra bu sürüşmənin miqyası daha aydın olacaq.
Qeyd edək ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Zəlzələlər nəticəsində həlak olanların sayı 3549 nəfər, yaralıların sayı 22 min 168 nəfərdir.
Nihad Budaqov
AZƏRTAC-ın xüsusi müxbiri
Roma
MÜƏLLİFLƏ ƏLAQƏ
Bölmənin digər xəbərləri
- 07.05.2024 [16:47]
Güclü yağışlar Gürcüstanda ciddi problemlər yaradıb
- 07.05.2024 [16:29]
Olimpiya məşəli Fransa ərazisinə daxil olub
- 07.05.2024 [15:49]
Vyetnam fransız müstəmləkəçiliyinə son qoyan döyüşün 70 illiyini qeyd edir
- 07.05.2024 [15:19]
Rusiya hökuməti istefaya göndərilib
- 07.05.2024 [15:11]
Vladimir Putin Çindən sonra Türkiyəyə səfər edəcək
- 07.05.2024 [14:56]
2024-cü ildə dünyanın ən varlı və yoxsul ölkələrinin siyahısı dərc olunub
- 07.05.2024 [14:50]