İTALİYANIN CƏNUBUNDA MAFİYAYA QARŞI KÜTLƏVİ ETİRAZ YÜRÜŞÜ KEÇİRİLMİŞDİR
Yürüş “Mafiyaya qarşı karvan” adlandırılmışdır. Növbəti tədbir Kalabriya vilayətinin vitse-prezidenti, oktyabrın 16-da mafiya tərəfindən öldürülən Françesko Fortunyonun xatirəsinə həsr edilmiş nümayişlər seriyası çərçivəsində keçirilmişdir.
Bir neçə gün əvvəl elə bu şəhərdə Kalabriya mafiyasının cinayətlərinə qarşı etiraz əlaməti olaraq “Ümid marşı” təşkil edilmişdi. Lokrinin minlərlə sakini “İndi isə bizim hamımızı qırın!” sözləri yazılmış plakatlarla küçələrə çıxmışdır. “Ümid marşı” çoxminlik mitinqlə başa çatsmışdı. Mitinqdə gənclərin nümayəndələri, müxtəlif siyasi partiyaların liderləri, görkəmli kilsə xadimləri və Kalabriya vilayətinin rəhbərliyi bəyan etmişlər ki, mafiya İtaliya üçün rüsvayçılıqdır və buna görə də bu təzahürün kökünü tamamilə kəsmək üçün bütün mümkün tədbirlər görülməlidir.
Bölmənin digər xəbərləri
