İtaliyanın “Water Grabbing” portalındakı məqalədə Xəzər Universitetinin əməkdaşının mülahizələri də yer alıb
Bakı, 5 may, AZƏRTAC
İtaliyanın “Water Grabbing” portalı Azərbaycanın su hövzələri haqqında xəritə və fotolarla müşayiət olunan geniş məqalə dərc edib. Məqalədə Xəzər Universiteti Coğrafiya və ətraf mühit departamentinin müdiri Rövşən Abbasovun mülahizələrinə də yer verilib.
Bu barədə AZƏRTAC-a universitetdən məlumat verilib. Bildirilib ki, R.Abbasov Araz çayı və onun qonşu ölkələrdə çirklənməsi, Xudafərin su anbarı, Oxçuçay və Bazarçay çaylarının problemləri, regionda su əməkdaşlığı məsələləri haqqında fikirlərini bildirib. Qeyd edib ki, qonşu ölkələrdə bu çayların çirklənməsindən Azərbaycan bir ölkə kimi əziyyət çəkir.
Məqalə ilə Xəzər Universitetinin saytında yerləşdirilmiş linkdə tanış olmaq mümkündür.
Bölmənin digər xəbərləri
