İXRAC OLUNAN ƏRZAQ BUĞDASINA ƏLAVƏ DƏYƏR VERGİSİNİN TƏTBİQİ YERLİ İSTEHSALI STİMULLAŞDIRACAQDIR
Bakı, 7 may (AZƏRTAC). Mayın 1-dən Azərbaycana idxal olunan ərzaq buğdasına və una əlavə dəyər vergisi tətbiq edilir.
Kənd təsərrüfatı naziri İsmət Abasov bildirmişdir ki, bu addım yerli istehsalı stimullaşdıracaq, taxıl istehsalçılarını fəallaşdıracaqdır.
Nazir məlumat vermişdir ki, bu ilin məhsulu üçün ötən ilin payızında 800 min hektardan artıq sahədə buğda əkilmişdir. Bu da təxminən 2 milyon 100 min ton taxıl istehsalı deməkdir. Cari ildə istehsal olunacaq taxılın təxminən 1 milyon 600 min tondan çoxunu ərzaq buğdası təşkil edəcək və ölkənin taxıla olan ehtiyacının tam şəkildə ödənilməsinə şərait yaradacaqdır. Odur ki, taxılın və unun qiymətinin süni şəkildə bahalaşdırılmasından söhbət gedə bilməz. Ölkədə kifayət qədər taxıl ehtiyatı var və yaxın 2 ay ərzində yerli buğdanın istehsalına başlanacaqdır. Əldə ediləcək məhsulun yığılması üçün kifayət qədər texnika da vardır.
Bölmənin digər xəbərləri
