Kaliforniyada qeyri-leqal miqrantlara koronavirusla bağlı maliyyə yardımı almaq hüququ verilib
Vaşinqton, 20 may, AZƏRTAC
Kaliforniya ştatında qeyri-leqal miqrantlara maliyyə yardımı göstərmək üçün yaradılmış fonda 125 milyon dollar həcmində pul vəsaiti toplanıb. Lakin ABŞ-da qeyri-leqal miqrantlar federal maliyyə yardımı və işsizlik müavinəti almağa kömək edəcək hüquqi statusa deyil.
AZƏRTAC xəbər verir ki, bu, koronavirus böhranı ilə əlaqədar qeyri-leqal miqrantlara yardım göstərmək üçün ştat administrasiyası tərəfindən atılan ilk addımdır. Fondda toplanmış vəsait miqrantlarla iş təcrübəsi olan 12 qeyri-hökumət təşkilatı arasında bölüşdürülüb. Təşkilatlar müraciətləri iyunun 30-dək, yəni yardım müddəti bitənədək qəbul edəcəklər.
Kaliforniya qubernatoru Gevin Nyusom qeyri-leqal miqrantların ştatın iqtisadiyyatına və ictimai həyatına böyük töhfə verdiyini bildirib. Onun sözlərinə görə, ştatdakı işçi qüvvəsinin 10 faizə qədəri qeyri-leqal miqrantlardan ibarətdir. Lakin onlar yerlərdəki ərazi və ştatın mərkəzi vergi strukturlarına 2,5 milyard dollardan artıq pul ödəmələrinə baxmayaraq, federal hökumətdən nə işsizlik üzrə sığorta, nə də maliyyə yardımı alırlar.
AZƏRTAC-ın Vaşinqton bürosu
Bölmənin digər xəbərləri
