Bakı, 1 sentyabr, Göyçək Mahmudlu, AZƏRTAC

Əvvəlcə Azərbaycanın Mərkəzi Seçki Komissiyasına Kamboca Milli Assambleyasını Milli Məclisə keçirilən növbədənkənar seçkilərə dəvət etdiyinə görə təşəkkürümü bildirirəm. Biz bu səhər müxtəlif məntəqələrdə müşahidəçilik etdik və şahidi olduq ki, hər şey çox yaxşı təşkil edilib.

Bunu AZƏRTAC-a müsahibəsində Kamboca Milli Assambleyasının üzvü Sos Mauzin deyib.

Parlament seçkilərində təşkilatçılığın yüksək səviyyədə olduğunu bildirən S.Mauzin bir çox yerli və xarici müşahidəçilərlə görüşdüklərini deyib: "İnsanlar bir-bir gəlib öz hüquqlarından yararlanır, istədikləri, dəstəklədikləri, partiyaya, namizədlərə səslərini verirlər. Müşahidə etdiklərimiz demokratiyanın bariz nümunəsidir".