KANADA-AZƏRBAYCAN ƏMƏKDAŞLIQ ASSOSİASİYASININ AZƏRBAYCANDA LAYİHƏSİ BAŞA ÇATMIŞDIR
Kanada-Azərbaycan Əməkdaşlıq Assosiasiyasının Azərbaycanda kredit təhsil sisteminə keçidlə bağlı layihəsi başa çatmısdır. Kanada Universitetləri və Kollecləri Assosiasiyası tərəfindən təşkil olunan “Gələcək naminə əməkdaşlıq” proqramı çərçivəsində keçirilən bu layihədə Kanada kredit təhsil sistemi, Kanada universitetlərində akademik xidmətin və tələbə registrasiya departamentinin iş üslubu ilə əlaqədar seminarlar təşkil olunmusdur. Bölgələr üçün nəzərdə tutulan seminar Lənkəran Dövlət Unversitetində, paytaxtda fəaliyyət göstərən ali təhsil müəssisələrinin işçiləri üçün isə Təhsil Nazirliyində keçirilmisdir.
Azərbaycanın müvafiq universitetləri ilə dünyanın ən qabaqcıl ali təhsil müəssisələrindən sayılan Waterloo Universiteti arasında informasiya texnologiyaları sahəsində bakalavr və magistr dərəcəli mütəxəssislərin birgə hazırlanması planı da müzakirə olunmuşdur. Proqramın direktoru Waterloo Universitetinin professoru İlham Axundovun sözlərinə görə, Azərbaycan və Kanada universitetləri arasında əməkdaşlıq uğurla davam etdirilir və bu, daha çox Azərbaycan gənclərinin Kanada universitetlərində təhsil almasına xidmət edir.
Bölmənin digər xəbərləri
