Kanada və ABŞ tarif danışıqlarını intensivləşdirəcək
Bakı, 22 iyul, AZƏRTAC
Kanadanın Baş naziri Mark Karni ABŞ Prezidenti Donald Trampla telefon danışığından sonra iki ölkə arasında tariflərlə bağlı danışıqların sürətləndiriləcəyini açıqlayıb.
AZƏRTAC xəbər verir ki, bu barədə CBC məlumat yayıb.
Karni bildirib ki, tərəflər qarşıdakı həftələrdə danışıqları intensivləşdirmək barədə razılığa gəliblər. O, Kanada hökumətinin bu istiqamətdə fəaliyyətə dərhal başlayacağını qeyd edib, lakin ABŞ-nin tətbiq etdiyi tariflərə mümkün cavab tədbirləri barədə ətraflı məlumat verməyib.
Qeyd edək ki, ABŞ Prezidenti Donald Tramp bazar ertəsi Kanada idxalının geniş çeşidinə əlavə 50 faiz tarif tətbiq edən fərman imzalayıb. Sənəddə bu qərarın Kanadanın Amerika məhsullarına qarşı tətbiq etdiyi məhdudiyyətlərə cavab olduğu bildirilib.
Bölmənin digər xəbərləri
