Kanar adaları hökuməti hantavirus xəstələrini daşıyan kruiz gəmisini qəbul etmək istəmir
Bakı, 6 may, AZƏRTAC
Ölümcül hantavirus epidemiyasından təsirlənən kruiz gəmisinin taleyi daha çox təhlükə altına düşüb, çünki Kanar adaları regional hökumətinin başçısı gəminin lövbər salmasına qarşı çıxdığını açıqlayıb. AZƏRTAC xarici mediaya istinadla xəbər verir ki, bu, İspaniya Səhiyyə Nazirliyinin “MV Hondius” gəmisinin arxipelaqda qəbul ediləcəyini təsdiqləməsindən bir gün sonra baş verib.
“Bu qərar heç bir texniki meyara əsaslanmır və ictimaiyyəti sakitləşdirmək və ya onların təhlükəsizliyini təmin etmək üçün kifayət qədər məlumat yoxdur”, - deyə regional hökumətin rəhbəri Fernando Klavixo COPE radiosuna bildirib.
O, məsələni müzakirə etmək üçün İspaniya Baş naziri Pedro Sançeslə təcili görüş tələb etdiyini bildirib. Klavixo həm də Sançesin Sosialistlərinə qarşı əsas müxalifət qüvvəsi olan mühafizəkar Xalq Partiyasının üzvüdür.
Çərşənbə axşamı İspaniya Səhiyyə Nazirliyi “beynəlxalq hüquq və humanitar prinsiplərə uyğun olaraq”, Kanar adalarında “MV Hondius” gəmisini qəbul edəcəyini açıqlamışdı.
Bəyanata görə, Kanar adalarına çatdıqdan sonra tibbi qruplar bütün sərnişinləri və heyət üzvlərinin müayinə və müalicəsini aparacaq, sonra isə onların ölkələrinə qayıtmasını təmin edəcək.
Bölmənin digər xəbərləri
