Karate üzrə növbəti seminar və imtahanlar keçiriləcək
Bakı, 11 yanvar, AZƏRTAC
Fevralın 2-də və 3-də Azərbaycan Milli Karate Federasiyasının (AMKF) təlim-məşq bazasında şotokan karate üzrə növbəti seminar, kyu və dan imtahanı keçiriləcək.
AMKF-dən AZƏRTAC-a bildiriblər ki, seminar və imtahana AMKF-in prezidenti Yaşar Bəşirov, kata üzrə milli komandanın baş məşqçisi Vahid Ayvazov rəhbərlik edəcəklər. Seminarın birinci günündə kihon, kata və kumite texnikası üzrə çalışmalar yerinə yetiriləcək. Ertəsi gün isə imtahan keçiriləcək.
Seminara qeydiyyat yanvarın 25-də başlayacaq.
Cari ildə nəzərdə tutulmuş digər seminar və imtahanlar mayın 11-12-də, oktyabrın 12-13-də və dekabrın 21-22-də təşkil ediləcək.
Bölmənin digər xəbərləri
