Karlo Ançelotti: Dörd ildə 11 titul, bu, öz sözünü deyir
Bakı, 13 may, AZƏRTAC
"Real Madrid”in baş məşqçisi Karlo Ançelotti mövsümün sonunda Madrid təmsilçisindən ayrılacağı barədə danışıb.
AZƏRTAC xəbər verir ki, o, vəzifəsindən getdiyi üçün məyus olmadığını bildirib: “Peşman deyiləm və bu klubda son bir neçə günü fantastik keçirmək istəyirəm. Əlimdən gələni etdim. Dörd ildə 11 titul qazandıq. Bu, öz sözünü deyir. Məni burada çox sevirlər. Özümü daim xoşbəxt hiss etmişəm. Amma ömrüm boyu “kral klubu”nda çalışa bilmərəm. Bəzi səbəblərə görə işim sona çatır. Bəlkə də komandaya yeni nəfəs lazımdır. Hər kəsə təşəkkür edirəm. Sonadək “Real Madrid” azarkeşi olaraq qalacağam”.
Qeyd edək ki, Karlo Ançelotti 2021-ci ildən "Real Madrid"in baş məşqçisi postunda çalışır. O, 2013-2015-ci illərdə də La Liqa təmsilçisinə rəhbərlik edib.
Bölmənin digər xəbərləri
