Kataliz və Qeyri-üzvi Kimya İnstitutu beynəlxalq əlaqələrini genişləndirir
Bakı, 6 fevral, AZƏRTAC
Kataliz və Qeyri-üzvi Kimya İnstitutunun əməkdaşları İtaliyanın Roma şəhərində Frascati Milli Nüvə Fizikası İnstitutunun professoru Stefano Bellucci ilə birgə əməkdaşlıq çərçivəsində müzakirələr aparıblar.
İnstitutdan AZƏRTAC-a bildirilib ki, görüş çərçivəsində kataliz və qeyri-üzvi kimya sahəsində birgə tədqiqatların aparılması perspektivləri, müasir eksperimental və nəzəri metodlardan istifadə edərək müştərək layihələrin həyata keçirilməsi, elmi məqalələrin hazırlanması, konfrans və seminarların təşkili, həmçinin mümkün patentlər üzərində iş aparılması müzakirə olunub.
Göstərilən istiqamətlər üzrə tərəflər müqavilə imzalayıblar.
Bu görüş və müzakirələrin nəticəsi olaraq, tərəflər arasında əməkdaşlığın gücləndirilməsi və gələcəkdə uzunmüddətli elmi layihələrin həyata keçirilməsi barədə ilkin razılıq əldə olunub.
Bölmənin digər xəbərləri
