KƏND TƏSƏRRÜFATI MƏHSULLARI İSTEHSALÇILARINA YARDIMLAR VERİLİR
Göycay Rayon İcra Hakimiyyətinin aqrar şöbəsindən AZƏRTAC-a bildirmişlər ki, “Kənd təsərrüfatı məhsulları istehsalçılarına dövlət dəstəyi haqqında” ölkə Prezidenti İlham Əliyevin 2007-ci il 23 yanvar tarixli Sərəncamının icrası yerlərdə uğurla davam etdirilir.
Kənd təsərrüfatı məhsulları istehsalçılarına əkin sahəsinin becərilməsində istifadə etdiyi yanacaq və mühərrik yağlarına görə dövlət büdcəsinin vəsaiti hesabına yardımın verilməsi ilə bağlı Göyçay rayon komissiyasından respublika komissiyasına təqdim edilmiş materiallara baxılmış və rayonun 40 kənd ərazi komissiyası üzrə 4.791 istehsalçıya 534 min 321 manat yardımın verilməsi barədə qərar qəbul edilmişdir. Bununla əlaqədar Maliyyə Nazirliyinin ayırdığı vəsait “Kapital Bank” ASC-nin Göyçay rayon şöbəsinin hesabına köçürülmüşdür.
“Kapital Bank” ASC-nin plastik kartları istehsalçılara vaxtında çatdırılmış və hazırda həmin vəsaitin ödənilməsi işi aparılır.
Göyçay rayonunda yardım alan torpaq mülkiyyətçilərinin əksəriyyəti taxıl və bostan məhsullarının, birillik və çoxillik bitkilərin istehsalı ilə məşğul olurlar.
Bölmənin digər xəbərləri
