KƏND TƏSƏRRÜFATI TƏDQİQATLARI ÜZRƏ BEYNƏLXALQ TOPLANTI ÖZ İŞİNİ BAŞA ÇATDIRDI
AZƏRTAC-ın müxbiri xəbər veriri ki, sonra CGIAR-ın beynəlxalq elm mərkəzlərinin hesabatları dinlənilmişdir. Quraq Zonalarda Beynəlxalq Kənd Təsərrüfatı Tədqiqatları Mərkəzinin (ICARDA), Buğda və Qarğıdalının Seleksiyası üzrə Beynəlxalq Elmi Mərkəzin (SIMMIT), Beynəlxalq Bitki Genetik Ehtiyatları İnstitutunun (IPQRI), Yarımquraq Tropiklərdə Tarla Bitkilərinin Tədqiqi üzrə Beynəlxalq Mərkəzin (IKRISAT), Beynəlxalq Düyü İnstitutunun (IRRI), Suvarma üzrə Beynəlxalq İnstitutun (IVMI), Beynəlxalq Kartofçuluq Tədqiqatı Mərkəzinin (SIP), Beynəlxalq Heyvandarlıq İnstitutunun (ILPI) nümayəndələri hesabat məruzələri ilə çıxış etmişlər.
2004-2005-ci illər üçün iş planı bəyənilmiş, icraiyyə komitəsi sədrinin hesabatı dinlənilmişdir.
Donorlar adından Dünya Bankının və digər maliyyə qurumlarının nümayəndələri çıxış etmişlər.
Mərkəzi Asiya və Zaqafqaziya üzrə regional forumun iclası keçirilmişdir.
Bununla da CGIAR-ın “Mərkəzi Asiya və Cənubi Qafqaz ölkələrində kənd təsərrüfatının davamlı inkişafı üzrə birgə elm tədqiqat Proqramı” rəhbər komitəsinin VII konfransı öz işini başa çatdırmışdır.
Növbəti konfransın tarixi və keçiriləcəyi yer sonra müəyyənləşdiriləcəkdir.
