Kənd təsərrüfatında dəyər zənciri maliyyələşməsinə dair vebinar keçirilib
Bakı, 20 may, AZƏRTAC
Beynəlxalq Maliyyə Korporasiyası (IFC) tərəfindən bankların müvafiq rəhbər şəxsləri və əməkdaşları üçün onlayn platforma üzərindən “Kənd təsərrüfatında dəyər zənciri maliyyələşməsi üzrə” adlı vebinar keçirilib.
Azərbaycan Banklar Assosiasiyasından (ABA) AZƏRTAC-a bildirilib ki, vebinarda “Kənd təsərrüfatında dəyər zənciri nədir və onlar necə işləyirlər?”, “Kənd təsərrüfatının maliyyələşməsində dəyər zənciri yanaşması”, “Ənənəvi və dəyər zənciri maliyyələşmələrinin fərqləri”, “Dəyər zənciri maliyyələşməsinin banklar və fermer təsərrüfatları üçün faydaları” və sair mövzulara toxunulub.
Təqdimat IFC-nin “Azərbaycan İnvestisiya Mühiti və Aqrobiznesin Rəqabətliyi” layihəsinin maliyyə və bankıçılıq üzrə eksperti Şamil Qədirov tərəfindən aparılıb.
Bölmənin digər xəbərləri
