KƏNDDƏ İDMAN MEYDANÇASI SALINMIŞDIR
AZƏRTAC xəbər verir ki, Qızıl Aypara Cəmiyyəti Bərdə Rayon Komitəsinin təşkilatçılığı ilə rayonun Nazırlı kəndində idman oyunları meydançası salınmışdır. Burada futbol, voleybol, qaçış növləri üzrə bölmələr yaradılmış, müxtəlif idman avadanlıqları quraşdırılmış, meydançanın kənarında küləkdən və yağışdan qorunmaq üçün üstü örtülü talvar inşa edilmişdir.
Açılış mərasimində çıxış edənlər son vaxtlar ölkəmizdə idmanın kütləviliyi üçün həyata keçirilən məqsədyönlü tədbirlərdən danışmış, kənddə belə bir idman meydançasının salınmasını ümummilli lider Heydər Əliyevin 85 illik yubileyi ərəfəsində kənd əhalisinə gözəl hədiyyə kimi yüksək qiymətləndirmişlər.
Bölmənin digər xəbərləri
