KƏNDDƏ MODUL TİPLİ SUTƏMİZLƏYİCİ QURĞU İSTİFADƏYƏ VERİLMİŞDİR
Neftçala rayonunun Qaraqaşlı kəndində müasir avadanlıqlarla təchiz olunmuş və gündəlik gücü 20 kubmetr olan sutəmizləyici qurğunun açılışı olmuşdur.
Ekologiya və Təbii Sərvətlər Nazirliyindən AZƏRTAC-a bildirmişlər ki, kəndin 1050 nəfər əhalisi 8 bulaq vasitəsilə təmiz içməli sudan istifadə edəcələr.
Respublikada 100 kənddə modul tipli su təmizləyici qurğuların quraşdırılması hesabına 163 min kənd əhalisinə verilən suyun Dünya Səhiyyə Təşkilatının normalarına uyğun təmizlənməsi nəzərdə tutulmuşdur.
Təkcə 2007-ci ildə Yevlax, Zərdab, Kürdəmir, İmişli, Sabirabad, Saatlı, Salyan və Neftçala rayonlarının içməli sudan əziyyət çəkən 50 yaşayış məntəqəsinin 55 mindən çox əhalisi içməli su ilə təmin olunmuşdur.
Hazırda daha 12 rayonun 50 yaşayış məntəqəsinin keyfiyyətli su ilə təmin olunması üçün işlər davam etdirilir.
Bölmənin digər xəbərləri
