Kerolayn Livit: Hörmüz boğazını açmaq üçün NATO-dakı müttəfiqlərimiz də addım atmalıdır
Vaşinqton, 16 mart, AZƏRTAC
ABŞ Prezidenti Avropadakı müttəfiqlərimizlə, eləcə də Körfəz və Ərəb dünyasındakı bir çox tərəfdaşımızla Hörmüz boğazını açmaq məqsədilə daha çox iş görmək üçün danışır.
AZƏRTAC-ın məlumatına görə, bu sözləri Ağ Evin mətbuat katibi Kerolayn Livit deyib.
O bildirib ki, bununla bağlı NATO-dakı müttəfiqlərin xüsusilə addım atması lazımdır.
“Amerika Birləşmiş Ştatları təkcə Yaxın Şərqdəki Amerika aktivləri və bazalarını dəstəkləmək və qorumaq deyil, həm də Avropanı, Yaxın Şərqi və dünyanın qalan hissəsini nüvə bombası əldə edən İran rejimindən qorumaqda böyük rol oynayır”, - deyə o bildirib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
