Kim Çen In KXDR-in kəşfiyyat peyki tərəfindən çəkilən fotoşəkillərə baxıb
Bakı, 25 noyabr, AZƏRTAC
Şimali Koreya lideri Kim Çen In Dövlət Aerokosmik Mühəndislik Administrasiyasının Pxenyanda yerləşən Ümumi Nəzarət və Tənzimləmə Mərkəzini ziyarət edib və orada kəşfiyyat peyki tərəfindən çəkilən fotoşəkillərə baxıb.
AZƏRTAC Koreya Mərkəzi Teleqraf Agentliyinə istinadla xəbər verir ki, Kim Çen In kəşfiyyat peykinin Koreya yarımadası üzərindən keçərkən Mokpho, Kunsan, Phentek, Osan və Seul da daxil olmaqla Cənubi Koreya ərazisində çəkdiyi mühüm obyektlərin fotoşəkillərini nəzərdən keçirib.
Qeyd edək ki, KXDR noyabrın 21-də “Çholima-1” daşıyıcı raketi vasitəsilə “Malligen-1” kəşfiyyat peykini uğurla orbitə çıxarıb. Pxenyan yaxın zamanlarda daha bir neçə peyki orbitə çıxarmağı planlaşdırdığını bildirib. Şimali Koreya cari ilin avqust və may aylarında bu istiqamətdə iki uğursuz cəhd etmişdi.
Bölmənin digər xəbərləri
