Kir Starmer Kiprə səfəri zamanı diplomatik gərginliklə üzləşib
London, 10 dekabr, AZƏRTAC
Böyük Britaniyanın Baş naziri Kir Starmerin Kiprə rəsmi səfəri zamanı adanın türklərin sıx yaşadığı şimal hissəsini ziyarət etməməsi səbəbindən diplomatik gərginlik yaranıb.
AZƏRTAC xəbər verir ki, Baş nazir dekabrın 9-da axşam saatlarında adanın yunanların yaşadığı cənub bölgəsi olan Kipr Respublikasına səfər edib. Bu, son 50 ildən artıq müddətdə ikitərəfli danışıqlar üçün adaya səfər edən ilk Britaniya Baş nazirinin səfəri olub. O, bu gün Kipr Respublikasının Prezidenti Nikos Kristodulides ilə görüşlər keçirəcək. Lakin Kir Starmer Şimali Kipr Türk Respublikasının (ŞKTR) Prezidenti Ersin Tatar ilə görüş üçün vaxt tapmayıb. Prezident E.Tatar həftəsonu səfər barədə məlumat aldıqdan sonra görüş üçün müraciət etsə də, belə bir görüşün baş tutmayacağı bildirilib.
Ötən gecə Böyük Britaniyadakı türkəsilli kiprli kampaniyaçılar Baş naziri qərarını yenidən nəzərdən keçirməyə çağırıblar.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
