Kişi voleybolçular arasında Yüksək Liqada yeni ilin ilk qarşılaşmaları keçirilib
Bakı, 7 yanvar , AZƏRTAC
Kişi voleybolçular arasında Yüksək Liqada yeni ilin ilk qarşılaşmaları keçirilib.
AZƏRTAC xəbər verir ki, Gənclər və İdman Nazirliyinin Voleybol Mərkəzində IV turun iki oyunu baş tutub.
MOİK “Azərreyl”lə, “Murov Az Terminal” isə “Xilasedici” komandası ilə üz-üzə gəlib. “Dəmiryolçular” MOİK-i, “Murov Az Terminal” isə “Xilasedici"ni 3:0 hesabı ilə məğlub edib.
Qeyd edək ki, IV turun digər oyunu yanvarın 8-də keçiriləcək. GİN-in Voleybol Mərkəzində “Neftçi” “Gənclər”lə (Sumqayıt) üz-üzə gələcək.
Bölmənin digər xəbərləri
