Kişi voleybolçulardan ibarət millimiz Belarusa yollanıb
Bakı, 9 iyul, AZƏRTAC
“AVRO-2023”ün təsnifat mərhələsinə və İslam Həmrəyliyi Oyunlarına hazırlaşan kişi voleybolçulardan ibarət Azərbaycan millisi təlim-məşq toplanışının növbəti mərhələsi üçün bu gün Belarusa yollanıb. Azərbaycan Voleybol Federasiyasından AZƏRTAC-a bildiriblər ki, komandamız Minskdə iyulun 16-dək hazırlıq keçəcək.
Voleybolçularımız təlim-məşq toplanışı ilə yanaşı, yerli yığma ilə yoldaşlıq görüşlərində də güclərini yoxlayacaqlar.
Qeyd edək ki, Minsk hazırlığının ardınca Belarus yığması Bakıya səfər edəcək. İki komandanın paytaxtda birgə məşqi və bir neçə yoxlama matçı nəzərdə tutulub.
Bölmənin digər xəbərləri
