KİYEV VƏ TVER ŞƏHƏRLƏRİNİN ADINI OĞUZ-TÜRKMƏN TAYFALARI VERMİŞLƏR?

23.04.2004 [23:04]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, Türkmənistanın bir neçə KİV-ləri bu fikri tanınmış türkmən tarixçisi, Türkmənistan, Mərkəzi Asiya və Şərq Xalqlarının Mədəni İrsi Dövlət İnstitutunun şöbə müdiri Ovəz Gündoğdıyevin məqaləsinə istinadla irəli sürmüşlər. Məqalədə iddia edilir ki, Kiyev və Tver şəhərlərinin adını oğuz-türkmən tayfaları vermişlər: “Kiyevin adı orta əsrlərin kayı türkmən tayfasının, Tverin adı isə tuver tayfasının adından götürülmüşdür”.

Türkmən tarixçisi öz mülahizələrini əsaslandırarkən, Lavrentyev və Suzdal, İpatyev (XIV əsr) və Uvarov (1518-ci il) və digər qədim rus salnamələrinə, eləcə də arxeoloji və etnoqrafik tədqiqatlara istinad edir.

Alim bildirir ki, oğuz-türkmən tayfaları qədim rus knyazlıqlarının – xüsusilə Kiyev Rus dövlətinin siyasi tarixində böyük rol oynamışlar. Onun fikrincə, yüksək döyüş qabiliyyətinə malik oğuz-türkmən döyüşçüləri sayəsində Kiyev öz ərazilərini genişləndirirdi. Torçesk və Kanev kimi baş oğuz şəhərləri də get-gedə zənginləşməkdə və genişlənməkdə idi. Bu şəhərlər həmin dövlətdə oğuz-türkmən knyazlığının paytaxtı olmaq uğrunda bir-biri ilə daim rəqabət aparırdılar.

KİYEV VƏ TVER ŞƏHƏRLƏRİNİN ADINI OĞUZ-TÜRKMƏN TAYFALARI VERMİŞLƏR?

MÜƏLLİFLƏ ƏLAQƏ