Kolumbiya Senatı Azərbaycanın ərazi bütövlüyünə dəstəyini ifadə edib
Bakı, 15 iyul, AZƏRTAC
Kolumbiya Senatı Tovuz istiqamətində hücumları pisləyib və Azərbaycan Respublikasının ərazi bütövlüyünə dəstəyini bir daha ifadə edib.
Azərbaycanın Kolumbiyadakı Səfirliyindən AZƏRTAC-a bildirilib ki, Kolumbiya Senatı Ermənistanın Azərbaycana qarşı hərbi təcavüzünü pisləyən, eləcə də Azərbaycanın ərazi bütövlüyünü dəstəkləyən bəyanat verib.
Senatın Xarici Əlaqələr Komissiyası bəyanatında Azərbaycan Respublikasının Tovuz rayonu istiqamətində hücumları pisləyir, həmçinin Ermənistan - Azərbaycan Dağlıq Qarabağ münaqişəsinin beynəlxalq hüquq, BMT-nin Təhlükəsizlik Şurasının qəbul etdiyi müvafiq qətnamələr (822, 853, 874, 884), Azərbaycanın ərazi bütövlüyü və suverenliyi əsasında həll edilməsinə çağırır. Sənəddə Kolumbiya tərəfinin Azərbaycana dost ölkə olduğu və hücumlar nəticəsində şəhid olmuş Azərbaycan vətəndaşları ilə bağlı Azərbaycan Respublikası Hökuməti və xalqına dərin hüznlə başsağlığı verildiyi bildirilir.
Bölmənin digər xəbərləri
