Komitə sədrinin müavini: “Bir Pəncərə” platforması gömrük xidmətlərində yeni inkişaf mərhələsi yaradır
Bakı, 16 iyul, AZƏRTAC
Azərbaycanın xarici ticarət əməliyyatlarının rəqəmsallaşdırılması istiqamətində həyata keçirilən "Bir Pəncərə" İnformasiya Sistemi gömrük idarəçiliyində yeni keyfiyyət mərhələsinin əsasını qoyur.
AZƏRTAC xəbər verir ki, bu sözləri Dövlət Gömrük Komitəsinin sədr müavini Natiq Şirinov "Bir Pəncərə" Rəqəmsal Logistika Platformasının rəsmi təqdimatı zamanı deyib.
Natiq Şirinovun sözlərinə görə, layihənin birinci mərhələsi çərçivəsində ixrac gömrük bəyannaməsinin sistemə inteqrasiyası tam başa çatdırılıb və nəzərdə tutulan bütün funksional və texniki tapşırıqlar uğurla icra olunub: “Yaradılmış rəqəmsal infrastruktur ixrac əməliyyatlarının daha operativ, şəffaf və səmərəli həyata keçirilməsinə imkan verir”.
Onun sözlərinə görə, sistem hazırlanarkən dövlət qurumlarının tələbləri ilə yanaşı, biznes subyektlərinin təklif və ehtiyacları da nəzərə alınıb, bu isə istifadəçiyönümlü xidmət modelinin formalaşdırılmasına şərait yaradıb. Layihənin növbəti mərhələlərində tranzit və idxal gömrük bəyannamələrinin də sistemə inteqrasiyası təmin olunacaq və nəticədə xarici ticarət əməliyyatlarının vahid rəqəmsal platforma üzərindən idarə edilməsi mümkün olacaq.
Bölmənin digər xəbərləri
