KONFRANS KEÇİRİLMİŞDİR

30.05.2006 [16:48]
Çap et
A⁺ A^-

AZƏRTAC-ın müxbiri xəbər verir ki, Gəncə Aqrobiznes Assosiasiyası (GAA) Daşkəsən rayonunda “Kənd təsərrüfatı məhsullarının istehsalında bioloji müdafiə” mövzusunda elmi-praktik konfrans keçirmişdir.

Konfransı GAA-nın prezidenti, professor Amin Babayev açmış, Azərbaycan Kənd Təsərrüfatı Akademiyası alimlərinin məruzələri dinlənilmişdir. Qeyd edilmişdir ki, bəzən fermerlər tərəfindən yetişdirilən kənd təsərrüfatı məhsulları ekoloji cəhətdən istifadəyə yararsız olur. Bu isə insan orqanizmi üçün təhlükə yaradır. Təcrübə göstərir ki, bioloji cəhətdən təmiz məhsul yetişdirmək mümkündür, bunun üçün ancaq aqrotexniki qaydalara düzgün riayət edilməlidir. Daşkəsən rayonunun ekoloji mühiti, təmiz torpağı və iqlim şəraiti isə bu məsələnin həllinə geniş imkanlar açır.

Konfransdan sonra alimlər rayonun bir neçə fermer təsərrüfatında olmuş, torpaq sahiblərinə dəyərli məsləhətlər vermişlər.