Konor Makqreqor Həbib Nurməhəmmədovla Rusiyada döyüşmək istəyir
Bakı, 21 yanvar, AZƏRTAC
Mütləq Döyüş Çempionatının (UFC) prezidenti Dana Uayt qarışıq döyüş növləri (MMA) üzrə idmançı Konor Makqreqorun planları haqqında danışıb.
AZƏRTAC “Gazeta.ru”ya istinadla xəbər verir ki, irlandiyalı döyüşçü təşkilatın rəhbərinə UFC-nin yüngül çəkidə hazırkı çempionu Həbib Nurməhəmmədovla Rusiyada döyüşməyə hazır olduğunu vurğulayıb.
“Konor ən yaxşı boksçularla mübarizə aparmağa hazırdır. O, mənə Həbiblə Rusiyada döyüşmək istədiyini bildirib”, - deyə UFC-nin rəhbəri qeyd edib.
Bundan əvvəl Makqreqor amerikalı Donald Serroneyə qarşı döyüşməyə də hazır olduğunu bildirmişdi. Donald Serrone Bruklində keçirilən “UFC Fight Night 143” turnirində texniki nokautla rəqibini məğlub etdikdən sonra irlandiyalı MMA döyüşçüsü ilə mübarizə aparmaq istədiyini söyləyib.
Bölmənin digər xəbərləri
