“Kopenhagen” – “Borussiya” matçını azərbaycanlı hakimlər briqadası idarə edəcək
Bakı, 31 oktyabr, AZƏRTAC
FIFA referisi Əliyar Ağayev növbəti təyinat alıb.
AZƏRTAC AFFA-ya istinadla xəbər verir ki, UEFA Çempionlar Liqasının qrup mərhələsinin VI turu çərçivəsində keçiriləcək “Kopenhagen” (Danimarka) - “Borussiya” (Dortmund, Almaniya) oyununun baş hakimi Ə.Ağayev olacaq. Ona FIFA referi köməkçisi Zeynal Zeynalov və Akif Əmrəli kömək edəcəklər. Dördüncü hakim funksiyasını Kamal Umudlu yerinə yetirəcək.
Matç noyabrın 3-də Danimarkada oynanılacaq.
Bölmənin digər xəbərləri
