KORRUPSİYA İLƏ BAĞLI SEMİNARLAR KEÇİRİLƏCƏKDİR
Azərbaycan Respublikası Sahibkarlar (İşəgötürənlər) Təşkilatları Milli Konfederasiyası “Korrupsiyaya qarşı mübarizədə sahibkarların-işəgötürənlərin və onların ictimai birliklərinin rolunun gücləndirilməsi” layihəsi çərçivəsində Bakı, Gəncə, Əli Bayramlı və Mingəçevir şəhərlərində sahibkarlıq subyektlərinin nümayəndələri üçün bir günlük seminar təşkil edəcəkdir. Layihə ABŞ-ın Beynəlxalq İnkişaf Agentliyinin (USAİD) vəsaiti hesabına və Avrasiya Fondunun dəstəyi ilə həyata keçirilir.
Konfederasiyadan AZƏRTAC-a bildirmişlər ki, seminarlarda sahibkarlıq fəaliyyətinə yersiz müdaxilənin qarşısının alınmasına yönələn qanunvericilik və normativ hüquqi aktların əhəmiyyətindən danışılacaq, korrupsiyanın iqtisadiyyatın inkişafına yaratdığı maneələrin təhlükəli nəticələri barədə məlumat veriləcəkdir.
Bölmənin digər xəbərləri
