Kral Hərbi Dəniz Qüvvələri Bəhreyn limanında bir gəminin vurulduğunu təsdiqləyib
Bakı, 2 mart, AZƏRTAC
Böyük Britaniya Hərbi Dəniz Qüvvələrinin Dəniz Ticarət Əməliyyatları Mərkəzi Bəhreyn limanında bir gəmiyə hücum edildiyini bildirib.
AZƏRTAC xəbər verir ki, bu barədə Dəniz Ticarət Əməliyyatları Mərkəzinin açıqlamasında deyilir.
“Böyük Britaniya Hərbi Dəniz Qüvvələri Bəhreyn limanında baş verən hadisə ilə bağlı məlumat alıb. Təhlükəsizlik zabiti gəmiyə iki raketin düşdüyünü və yanğına səbəb olduğunu deyib. Hazırda yanğın söndürülüb, heyət üzvləri təhlükəsiz yerə təxliyə olunublar. Faktla bağlı araşdırma aparılır”, - deyə açıqlamada vurğulanır.
Hadisə ilə bağlı əlavə təfərrüat verilməyib.
Bölmənin digər xəbərləri
