KRASNODAR DİYARINDA “KUBAN-2005” İQTİSADİ FORUMU KEÇİRİLMİŞDİR
Soçidə keçirilmiş forumda 3 mindən çox adam, o cümlədən Rusiyanın iqtisadi inkişaf naziri German Qref, Ticarət-Sənaye Palatasının sədri Yevgeni Primakov, hökumətin, parlamentin və ölkə biznesinin nümayəndələri iştirak etmişlər.
Rusiya Federasiyasında diplomatik korpusun duayeni, Azərbaycanın Moskvadakı səfiri Ramiz Rizayev Krasnodar diyarının iqtisadi imkanlarını öyrənmək, habelə ölkəmizlə Rusiya regionları arasında əməkdaşlığın inkişafını dərinləşdirmək məqsədi ilə forumda iştirak etmişdir. “Kuban-2005” forumu Rusiyada akkreditə olunmuş diplomatik nümayəndəliklərin burada iştirak edən başçılarının sayına görə görünməmiş tədbir idi. Onun işində diplomatik missiyaların 55 başçısı iştirak etmişdir.
Bu Beynəlxalq iqtisadi forumun keçirilməsindən məqsəd Krasnodar diyarının iqtisadiyyatına sərmayələrin cəlb edilməsidir. Forum sayəsində Krasnodar diyarı kurort sahəsində yeni obyektlərin tikintisi, sənaye və aqrar-sənaye kompleksi üçün əlavə maliyyə vəsaiti cəlb edə bilmişdir. Üç gün davam etmiş forum zamanı müxtəlif sazişlər və 1,3 milyard dollarlıq sərmayə layihələri imzalanmışdır.
Bölmənin digər xəbərləri
