KREDİTLƏRİN TƏXMİNƏN 50 FAİZİ TİCARƏTƏ VƏ XİDMƏT SAHƏLƏRİNƏ YÖNƏLDİLMİŞ, HABELƏ FİZİKİ ŞƏXSLƏRƏ VERİLMİŞDİR
Milli Bankdan AZƏRTAC-a bildirmişlər ki, kreditlərin 21,45 faizi və ya 661,2 milyard manatı ticarətə və xidmət sahələrinə yönəldilmiş, 27,81 faizi və ya 857,4 milyard manatı fiziki şəxslərə verilmişdir. Nəqliyyatın və rabitənin payına 13,85 faiz və ya 427,1 milyard manat düşmüşdür. Yüngül və ağır sənayeyə 7,26 faiz və ya 223,9 milyard manat kredit ayrılmışdır.
Energetika və təbiəti mühafizə tədbirlərinə 7,71 faiz və ya 237,6 milyard manat, tikintiyə və əmlak sahəsinə 6,23 faiz və ya 192,1 milyard manat, dövlət idarəçiliyinə 5,6 faiz və ya 172,7 milyard manat, kənd təsərrüfatına 5,14 faiz və ya 158,3 milyard manat yönəldilmişdir. Kreditlərin 4,96 faizi və ya 152,8 milyard manatı digər sahələrə qoyulmuşdur.
Bölmənin digər xəbərləri
