KÜRDƏMİR RABİTƏ ŞƏBƏKƏSİNDƏ NGN TEXNOLOGİYASI TƏTBİQ EDİLƏCƏKDİR
Rabitə və İnformasiya Texnologiyaları Nazirliyindən AZƏRTAC-a bildirmişlər ki, “Aztelekom” İstehsalat Birliyi Kürdəmir rabitə şəbəkəsində NGN (Next Generation Network) texnologiyasını tətbiq edəcəkdir.
NGN (gələcək nəsil şəbəkəsi) kommutasiya paketlərindən istifadə etməklə, sözün, görüntünün və məlumatların ötürülməsi üçün təyin olunan çoxməqsədli universal şəbəkədir. NGN şəbəkəsi telekommunikasiya trafikinin müxtəlif növləri üçün zəruri olan keyfiyyətli xidməti təmin edir.
Yeni texnologiyanın tətbiqi abonentlərə VoIP-telefoniya, səsli poçt, məlumatların ötürülməsi, multimedia xidmətləri, virtual şəxsi şəbəkələr, xəbərlərin vahid şəklə salınmış mübadiləsi, interaktiv ünsiyyət cavabı, interaktiv oyunlar, videokonfranslar və ev idarə etməsi sisteminin xidmətlərindən istifadə etməyə imkan verəcəkdir.
Bölmənin digər xəbərləri
