Kürdəmirdə oğurluq edən şəxslər saxlanılıblar
Bakı, 28 avqust, AZƏRTAC
Kürdəmir rayonundakı evlərin birindən qabaqcadan əlbir olan bir qrup şəxs halında oğurluq etməkdə şübhəli bilinən Kürdəmir rayon sakinləri, əvvəllər məhkum edilmiş Ramil Məmmədov və Raqif Məmmədov rayon polis şöbəsinin əməkdaşları tərəfindən keçirilmiş əməliyyat-axtarış tədbirləri nəticəsində saxlanılıb.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a verilən məlumata görə, araşdırmalarla onların bir televizor, spirtli içkilər və müxtəlif bijuteriya əşyaları oğurlamaqla şikayətçiyə 1500 manat məbləğində ziyan vurduqları müəyyən olunub. Dindirilmə zamanı hər iki şəxs törətdiyi cinayət əməlini etiraf edib.
Faktla bağlı Kürdəmir Rayon Polis Şöbəsində araşdırmalar davam etdirilir.
Bölmənin digər xəbərləri
