“Kür”ün həndbolçusu: Yeni yaranan komanda üçün kuboku qazanmaq uğurlu nəticədir
Bakı, 31 may, AZƏRTAC
“Bu titulu qazanmaq bizim üçün çox önəmli idi”.
Bu sözləri AZƏRTAC-a açıqlamasında Azərbaycan Kubokunun qalibi olan “Kür” komandasının həndbolçusu Səkinə Musayeva deyib.
O, yeni yaranan komanda üçün bu nəticənin uğurlu olduğunu bildirib: “Ölkə çempionluğunu əldən verdiyimiz üçün bütün diqqətimizi kuboka yönəltmişdik. Meydanda sonadək üstün oynayan tərəf biz idik. “Azəryol”a qarşı sərgilədiyimiz performansı əvvəlki matçlarda da göstərə bilsəydik, liqanın qalibi olardıq”.
Həndbolçunun sözlərinə görə, mövsümün əvvəlində komandanın qarşısına çempionluq hədəfi qoyulsa da, yalnız bir tapşırığın öhdəsindən gəlmək mümkün olub: “Ruhdan düşməyəcəyik. Növbəti mövsüm Azərbaycanı avrokuboklarda təmsil edəcəyik. Məqsəd beynəlxalq arenada daha irəli getməkdir. Məncə gələn il fərqli komanda olacağıq”.
Yığma üzvü gələcək karyerası barədə isə hələlik qərar vermədiyini deyib.
Qeyd edək ki, “Kür” finalda “Azəryol”a 28:27 hesabı ilə qalib gələrək ölkə kubokunun sahibi olub.
Bölmənin digər xəbərləri
