KÜVEYT PARLAMENTİ XARİCİ NEFT ŞİRKƏTLƏRİNİN SƏRMAYƏ LAYİHƏSİNİN MÜZAKİRƏSİNİ TƏXİRƏ SALMIŞDIR
Parlamentin Maliyyə və iqtisadiyyat məsələləri komitəsi hesab edir ki, əsasən Avropa şirkətlərindən ibarət olan konsorsiumun gələn ilin yanvarında İraqla sərhəd ərazilərdə neft yataqlarının işlənilməsi məqsədi ilə “Küveyt layihəsi”nə sərmayə yatırmaları məsələsi ölkənin iqtisadi maraqları baxımından daha diqqətlə öyrənilməlidir.
Deputatlar bu layihənin yalnız ciddi Konstitusiya təminatı olduqdan sonar təsdiqlənə biləcəyini söyləmişlər. Energetika naziri Şeyx Əhməd Fəhd Əl-Sabah isə deputatları sərmayə məsələsini siyasiləşdirməməyə cağırmış və layihənin parlament tərəfindən ratifikasiyasına ehtiyac olmadığını bildirmişdir. Deputatlar isə bunun əksinə olaraq, xarici şirkətlərlə imzalanan hər bir müqavilənin mütləq parlamentdə təsdiq olunmasını tələb edirlər. Onların bir hissəsi iddia edir ki, sözügedən layihə xarici şirkətlərə Küveytin neft sərvətini tamamilə ələ keçirmək imkanı verəcəkdir.
Xatırladaq ki, Küveyt yaxın 20 ildə İraq sərhədi yaxınlığındakı neft yataqlarından gündəlik hasilatı 530 min barreldən 900 min barrelə çatdırmağı planlaşdırır.
Bölmənin digər xəbərləri
