Lady Gaga “Oskar” mərasiminə 40 milyon dollarlıq brilyant boyunbağıda gəlib
Bakı, 25 fevral, AZƏRTAC
Müğənni Lady Gaga “Oskar” mükafatının təqdimetmə mərasimində qırmızı xalı üzərinə dünyanın ən iri brilyantlarından biri ilə bəzədilmiş boyunbağıda çıxıb.
AZƏRTAC ABC telekanalına istinadla xəbər verir ki, dəyəri 40 milyon dollardan baha qiymətləndirilən sarı brilyant “Tiffany & Co” kompaniyasına məxsusdur. 288 karatlıq qiymətli daş 1877-ci ildə Cənubi Afrikada aşkarlanmış, bir il sonra isə onu zərgərlik kompaniyasının banisi Çarlz Tiffani satın almışdı. Cilalandıqdan sonra 82 bucaqlı brilyantın çəkisi 128,54 karata düşmüşdü.
Qeyd edək ki, brilyantı sonuncu dəfə 1961-ci ildə “Tiffanidə səhər yeməyi” filminin reklam çəkilişində aktrisa Odri Hepbern taxmışdı.
Bölmənin digər xəbərləri
