Latviyanın VentEko şirkəti ekologiya sahəsində böyük uğurlar qazanmışdır
Bakı, 2 noyabr (AZƏRTAC). Bakı Ekspo Mərkəzində keçirilən “Xəzər: Ətraf Mühit üçün texnologiyalar” beynəlxalq ətraf mühit sərgisində ekologiya sahəsində ixtisaslaşmış Latviyanın “VentEko” şirkəti də öz məhsullarını nümayiş etdirir.
Şirkətin meneceri Aida Kala AZƏRTAC-a müsahibəsində təmsil etdiyi qurumla bağlı məlumat vermişdir. Bildirmişdir ki, “VentEko”-nun əsas fəaliyyət istiqamətlərindən biri qrunt, yeraltı və yerüstü suların təmizlənməsidir. Beynəlxalq təcrübəyə malik şirkət müxtəlif miqyaslı ekoloji qəzaların qarşısının alınması üşün lazımi maddi- texniki bazaya malik olmaqla yanaşı, geoekoloji, hidrogeoloji tədqiqatların aparılması, faydalı qazıntıların tapılması və digər sahələrdə böyük uğurlar əldə etmişdir.
Şirkət innovativ texnologiyalardan istifadə etməklə, ətraf mühitin tədqiqatı sahəsində həm Latviyada, həm də xaricdə yeni layihələr həyata keçirir.
Şirkət təmsilçisi vurğulamışdır ki, “VentEko” Azərbaycanda fəaliyyət göstərən müvafiq qurumlarla əməkdaşlığa xüsusi önəm verir və bu istiqamətdə yaxın gələcəkdə razılaşmaların əldə olacağına ümidvardır.
Bölmənin digər xəbərləri
