LƏNKƏRAN ŞƏHƏRİNDƏ RAYONLARARASI DİSPANSER AÇILMIŞDIR
Mərasimdə respublika Elmi-Tədqiqat Ağ Ciyər Xəstəlikləri İnstitutunun direktoru, professor Faiq Ağayev və Lənkəran Şəhər İcra Hakimiyyətinin başçısı Süleyman Mikayılov, rayon mərkəzi xəstəxanasının baş həkimi İlyas Səmədov, dispanserin baş həkimi Telman Əliyev çıxışlarında dispanserin bölgədə əhalinin sağlamlığının qorunmasında mühüm rol oynayacağını qeyd etmiş, regionların inkişafına göstərdiyi qayğıya görə Azərbaycan Prezidentinə minnətdarlıqlarını bildirmişlər.
Rəmzi qırmızı lent kəsildikdən sonra qonaqlar burada yaradılan şəraitlə yaxından tanış olmuşlar.
Dispanser bütün zəruri tibbi avadanlıq və cihazlarla təchiz edilmişdir. Dərman preparatları ilə təminat isə “Almaniya vərəm əleyhinə mübarizə Proqramı” çərçivəsində həyata keçirilmişdir.
Bölmənin digər xəbərləri
