Lənkərana bir gündə aylıq normanın 73 faizi miqdarında yağıntı düşmüşdür
Lənkəran, 12 sentyabr (AZƏRTAC). Sentyabrın 11-də cənub bölgəsinə yağan leysan yağışları çaylarda suyun səviyyəsinin artmasına səbəb olmuşdur.
Ekologiya və Təbii Sərvətlər Nazirliyinin Lənkəran Regional Hidrometrologiya Hissəsindən AZƏRTAC-a bildirmişlər ki, ötən gün Lənkəran rayonuna 123 millimetr yağıntı düşmüşdür. Bu, aylıq normanın 73 faizini təşkil edir.
Lənkərançayda suyun səviyyəsi gün ərzində 279 santimetr, Masallı rayonu ərazisindəki Viləşçayda isə 220 santimetr artmışdır.
Lənkəran rayonunun Əşlə kəndi ərazisində leysan yağışları nəticəsində daşmış Lənkərançayı keçmək istəyən 1 nəfər kənd sakininin köməyinə Fövqəladə Hallar Nazirliyinin Cənub Regional Mərkəzinin xilasediciləri çatmış, onu xüsusi xilasedici vasitəsilə çaydan sağ-salamat çıxarmışlar.
Bölmənin digər xəbərləri
