Azərbaycan Dövlət İnformasiya Agentliyi

MƏDƏNİYYƏT

LƏNKƏRANDA MUĞAM İFAÇILARININ BAXIŞ-MÜSABİQƏSİ BAŞA ÇATMIŞDIR

29.03.2006 [15:30]
Çap et
A⁺ A^-

AZƏRTAC-ın müxbiri xəbər verir ki, Lənkəranda keçirilən muğam, təsnif va xalq mahnı ifaçılarının baxış-müsabiqəsinə yekun vurulmuşdur. Şəhər mədəniyyət və turizm şöbəsinin 10-30 yaşlılar arasında keçirdiyi musiqi yarışması 15 gün davam etmişdir.

N.B.Vəzirov adına Lənkəran Dövlət Dram Teatrında müsabiqə iştirakçılarının yekun konserti olmuşdur.

Baxış-müsabiqənin münsiflər heyətinin qərarı ilə birinci yeri tutan Vüqar Əsədova 600, ikinci yeri tutan Vüsal Həşimova 400 və üçüncü yeri tutan Pərviz Cabbarova 200 AZN pul mükafatları və şəhər icra hakimiyyətinin fəxri fərmanları təqdim edilmişdir.

Mükafatları qaliblərə münsiflər heyətinin sədri, xalq artisti Canəli Əkbərov, şəhər icra hakimiyyətinin başçısı Süleyman Mikayılov təqdim etmişlər.