Lerikdə istirahət mərkəzində yanğın olub VİDEO
Lerik, 1 fevral, İlkin Adıyev, AZƏRTAC
Lerik rayonunda yanğın baş verib.
AZƏRTAC-ın bölgə müxbiri xəbər verir ki, görə yanğın hadisəsi gecə saat 3 radələrində Lənkəran-Lerik magistralının kənarında yerləşən "Təbəssüm" istirahət mərkəzində qeydə alınıb. Yanğın zamanı ümumi sahəsi 410 kvadratmetr olmaqla, 5 kottec yanıb. Əraziyə Fövqəladə Hallar Nazirliyinin Lerikdən 2, Lənkərandan isə 1 texnika və canlı qüvvəsi cəlb olunub. Görülən tədbirlər nəticəsində yanğın səhər saatlarında lokallaşdırılıb. Yanğının digər tikililərə keçməsinin qarşısı alınıb.
Hazırda yanğının başvermə səbəbləri araşdırılır.
Qeyd edək ki, yanğın zamanı xəsarət alan olmayıb.
Bölmənin digər xəbərləri
