Livan hökuməti qruplaşmalardan silahları təhvil verməyi tələb edib
Qahirə, 2 mart, AZƏRTAC
Livan hökuməti ölkə ərazisindən raketlərin buraxılmasını pisləyir və bunu razılaşmanın, eləcə də Nazirlər Kabinetinin qərarlarının pozulması kimi qiymətləndirir.
AZƏRTAC Livan mediasına istinadla xəbər verir ki, bunu Livanın Baş naziri Nəvaf Salam Nazirlər Kabinetinin iclasından sonra bildirib.
Onun sözlərinə görə, dövlət öz ərazisindən hər hansı tərəfin hərbi əməliyyatlar həyata keçirməsini qəti şəkildə rədd edir. Vurğulanır ki, müharibə və sülh qərarı yalnız dövlətin səlahiyyətindədir.
Baş nazir qeyd edib ki, bu çərçivədə silahlı qrupların fəaliyyətinin qadağan olunması, onların silahları təhvil verməsi və yalnız siyasi fəaliyyətlə məşğul olması tələb edilir. Hökumət təhlükəsizlik qurumlarına hər hansı hərbi əməliyyatların qarşısının alınması və bu cür əməlləri törədən şəxslərin saxlanılması ilə bağlı tapşırıqlar verib.
Eyni zamanda, Livan Ordusu komandanlığına ölkənin cənubunda, Litani çayının şimalında silahların dövlətə təhvil verilməsini nəzərdə tutan planın icrasına başlamaq göstərişi verilib.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
